Коронавирустың таралуына байланысты көктемгі демалыс биылғы жылы әдеттегіден ерте басталды, яғни 16 наурыздан 5 сәуірге дейін үш апта бойы жалғасады.

ҚР БҒМ 2020 жылғы 14 наурыздағы №108 «Білім беру ұйымдарында, жетім балалар мен ата-анасының қамқорлығынсыз қалған балаларға арналған ұйымдарда, пандемия кезінде COVID-19 коронавирустық жұқпасының таралуына жол бермеу жөніндегі шараларды күшейту туралы» бұйрығына сәйкес, оқушылардың өмірі мен денсаулығын сақтау мақсатында, адамдар көп жиналатын орындарда болуға, қоғамдық көлікті пайдалануға, мектептерге, үйірмелерге, секцияларға және т.б. баруға болмайды. Бұл дегеніміз балалар үйде ұзақ уақыт болады дегенін білдіреді. Ата-аналар мен педагогтардың бірінші сұрағы, демалыс кезінде бала немен шұғылданады?

Құрметті ата-аналар, демалыс уақытын үйде де пайдалы жағына пайдалануға болады. Ол үшін балалардың энергиясын тек қана жақсы арнаға бағыттау қажет. Баланың жалпы дамуына ықпал ететін көптеген сабақтар бар. Отбасымен танымдық фильмдер көруді ұйымдастыруға, уақыт тауып балалармен үстел ойындары ойнауға, балаларға қызықты кітаптарды оқуды ұсынып, олардың мазмұнын талқылауға болады, интеллектуалдық дамыту үшін интернет-олимпиадалар, онлайн-байқаулар және т.б. пайдалы.

Құрметті ұстаздар мен ата-аналар! Бүгін бәріміз бірге балаларымыздың өмірі мен денсаулығын барынша қорғауды қамтамасыз етуіміз керек. Олардың қауіпсіздігі мен әл-ауқаты ересектерге байланысты. Сіздерді сабыр сақтауға, үрейленбеуге, жалған ақпаратқа сенбеуге шақырамыз. Демалыс кезінде сынып жетекшілер оқушылармен, ата-аналармен тығыз қашықтықтан қарым-қатынас жасайтын болады.

mycollages 1

gos zakup kazҰлттық білім беру деректер қорыegovbilimland logotip
 kazteleradio egov semya kaz