2018 жылдың 29 – 31 қаңтар аралығында «Балдәурен» РОСО базасында 1-7 – сынып оқушылары үшін «Зерде» зерттеу жұмыстары мен шығармашылық жобалар Республикалық байқауының  қорытынды кезеңі өткізілді.  

 2018 жылдың қаңтар айының 17-24 дейін 6-11 сынып оқушылары арасында «Төгіледі қаламымнан әсем жыр» облыстық өлеңдер конкурсының сырттай қалалық кезеңі өткізілді. Конкурстың мақсаты поэзиялық шығармалар жазу, өлең шығаруда қабілеттері бар дарынды балаларды анықтау және оларға қолдау көрсету, туған өлкенің тарихын, сонымен қоса белгілі адамдардың өмірі мен шығармашылығын зерттеп- білуге оқушылардың қызығушылықтарын арттыру. Конкурсқа қатысушылар мемлекеттік және орыс тілдерінде өлеңдер ұсынды. Конкурс тақырыбы: «Қазақстан Республикасының бас қаласы – Астананың 20-жылдығы», «Менің кіші отаным», «Қостанай облысының белгілі тұлғалары».

2018 жылдың 17 қаңтар күні физика-математикалық лицейінің төңірегінде 2-4 сынып оқушыларына арналған «Бастау» Республикалық математикалық турнирінің 2 кезеңі өткізілді.

«Рухани жаңғыру» бағдарламасының «Саналы азамат» базалық бағытын жүзеге асыру шеңберінде қаланың үш мектеп базасында педагогтардың, 8-11 сынып оқушыларының және әлеуметтік-белсенді кәсіпкерлердің қатарынан ата-аналар қауымдастығының қатысуымен бизнес-клубтар ашылды. Бизнес-клубтардың жұмысының мақсаты бәсекеге қабілеттілікті, прагматизмді, ашық ойлауды, экономикалық сауаттылықты, әлеуметтік жауапкершілікті, сонымен қатар бизнес ортаға қатысушыларының өзін-өзі табысты жүзеге асыруы үшін қажетті дағдыларды дамыту болып табылады. 2018 жылы бизнес-клубтар МГГ, №3 МГ және №115 ОМ базасында жұмыс істейді. Сабақтар ай сайын өткізіледі және оларды өткізу үшін жеке кәсіпкерлер қатарынан ата-аналар тартылатын болады. Жыл сайын мектеп базасындағы бизнес-клубтардың саны артып жатыр.

 Ақыл-ой және рухани дамудың қарым-қатынастың құралы ретінде қазақ тілін меңгеруге деген қызығушылық танытқан, лингвистикалық қатынаста дарынды оқушыларды қолдау және анықтау мақсатында «Дарын» республикалық ғылыми-практикалық орталығы Мемлекеттік тілді дамыту қорының қолдауымен «Рухани жаңғыру» бағдарламасының «Отаным-тағдырым» базалық бағытының жүзеге асыру аясында 5-10 сынып өзге ұлт оқушылары арасында қазақ тілінен «Тіл – мемлекет тәуелсіздігінің символы» Республикалық олимпиадасы 2018 жылдың 2-5 қаңтар аралығында Астана қаласында өткізілді.

Ұлы Отан соғысының атақты жауынгері, аты аңызға айналған қолбасшы, халық батыры, көрнекті қазақ жазушысы Бауыржан Момышұлының шығармашылығын жас ұрпақтың арасында  насихаттау және поэзияға деген сүйіспеншілікке тәрбиелеу мақсатында   ағымдағы жылдың 22 желтоқсан күні Бауыржан Момышұлы атындағы №5 орта мектепте «Рухани жаңғыру» бағдарламасы аясында «Бауыржан оқулары» сайысы болып өтті. Сайысқа қаламыздағы жалпы білім беретін мектептерден 56 оқушы қатысты. Сайыс 4 номинация бойынша өткізілді: « Көркем сөз оқушы», «Жас қаламгер», «Суретші-иллюстратор», «Жас оператор».

Бәсекеге қабілетті, прагматикалық тұлғаны қалыптастыруда, түлектің білімін және  жаңа идеяларға талпынысын дамыту мақсатында 2017 жылғы 21 желтоқсанда қалалық балалар шығармашылық мектебінің базасында мектеп көшбасшыларына арналған Қостанай қаласы әкімінің атынан жаңа жылдық шырша өткізілді. Шыршаны ұйымдастырушы «Қостанай қаласы әкімдігінің білім бөлімі» ММ болып табылады.

gos zakup kazҰлттық білім беру деректер қорыegovbilimland logotip
 kazteleradio egov semya kaz